Analyse : « Recette des fermes des terres saisies sur les hérétiques et fauteurs d’hérésie dans le ressort de Quimper et de Châteaulin (1592) »
Autre analyse au dos : « Extrait des baulx à ferme des t(er)res de ceulx du party du Roy faict pendant la ligue »
[p. 1] Estat au vray de la recepte que maistre Hervé Coedou, comis à la recepte ordinaire de Kemper(coren)tin et des deniers provenantz des baulx à ferme des terres saisies apartenantz aux hérétiques et fauteurs d’hérésies en la jurisdiction de Kemper(coren)tin et baillaiges de Ch(ast)aulin et baillées à ferme par nous Guillaume Le Baud, seneschal de ladicte jurisdiction, les jours, moys (et) an que cy après doibt faire po(ur) ung an entier commençant au jour et feste de mons(eigneu)r Sainct Michel mil vctz quatre vingtz (et) unze, pour les presneurs desdictes fermes faire le poyement du pris de leurs fermes en deux termes, sçavoyr la moictyé au jour et terme de Noel audict an et l’au(lt)re moictyé au terme de la Sainct Jean Baptiste vingt (et) quatriesme de juign lan ensuyvant mil vctz quatre vingtz (et) douze.
Premierement les terres lesquelles n’ont esté par feu m(aistr)e Pierre du Dresnay, bailly de ladicte jurisdiction et precedant commissairee ausdictz baulx, baillées à ferme :
Sçavvoyr
La terre et seigneurye du Quemenet adjugée à m(aistr)e Michel Le Marec par la cauption de Pierre Androict, certiffyé solvable par maistre Michel Le Sodec, pour la somme de troys centz dix houict escuz ; et pour ce iiictz xviii [é]
La terre et seigneurye de Guengat [1] adjugée à Françoys de M[or]elas par la cauption de syre Pierre Androict, certiffyé solvable par maistre Michel Le Sodec de Kermper(coren)tin, pour la somme de soixante saeze escuz ; pour ce lxxvi [é]
[p. 2] La terre et seigneurye de Pennlisquin adjugée audict m(aistr)e Michel Le Marec par la cauption de [blanc] pour la somme de unze escuz ; et pour ce xi [é]
La terre et seigneurie de Crauzon adjugée à maistre Guillaume Le Goaz par la cauption de maistre Pierre Louuet [2] et Loys L’Honnoré de Kemper(coren)tin , certiffiés solvables par noble home Thibault K(er)guelen, demeurant à K(er)ancoree d’Esquibien, pour la somme de cent quarente deux escuz ; et pour ce cxlii [é]
La terre et seigneurie du Fou et Irvillac adjugée audict Michel Le Marec par la cauption des sires Guillaume Nobletz et Phelipe Le Gac du Fou, certiffiés solvables par noble home Michel Le Gentil demeurant [blanc], pour la somme de mil trente six escuz ; et pour ce I[m] xxxvi [é]
La terre et seigneurie de Daoulas laissée par default dencherisseur au pris qu’elle estoict auparavant tenue par maistre Guillaume Le Forestier precedant fermier, qu’estoict pour la somme de six centz quarante livres tourn(ois) ; et pour ce vic xl # faisan(t) en escues iic xiii [é] xx s.
Et sera led(ict) Forestier appellé à la fin attandu son defauct.
[p. 3] La ferme de la terre appartenante à la dame de la Ville Bourrié [adjugée] à Jehan Lhonnoré le Jeune par la cauption de Françoys L’Honnoré dudict Kemper(coren)tin ; pour la somme de quatre escuz ; et pour ce iiii [é]
La moictyé de la ferme du jeu de paulme [3] estant au faubourg de ladicte ville apartenan(t) à maistre Jacques Laurens demeurée audict Marec pour la cauption de [blanc], pour la somme de quatorze escuz et quarente cincq soulz ; et pour ce xiiii [é] xlv s.
La terre de la commanderie de Sainct Jehan en ladicte jurisdiction adjugée à maiste Olivier Endroict par la cauption de [blanc], pour la somme de ouict escuz quarente soulz ; et pour ce viii [é] xl s.
La terre et seigneurie de Kerrouant [4] adjugée audict Marec par la cauption de [blanc], pour la somme de troys centz ung escu ; et pour ce iiictz i [é]
Le lieu de Kerguelen appartenant à [blanc] Pellandez adjugé à maistre Françoys Chevillart par la cauption de m(aistr)e Michel Le Marec dudict Kemper(coren)tin, pour la somme de six escuz et demy ; et pour ce vi [é] (et) demy
[p. 4] Plus les aultres terres desdictz heretiques et fauteurs d’heresie (com)prins aux baulx à ferme faictz par ledict feu bailly et par nous rebaillés.
Les terres et seigneuries du Pont [5] et Quemenet, secheryes et pecheries qui en depand adjugée à maistre Georges Rondeau par la cauption de maistre Jacques de Lesandevet, sieur de Rubien, certiffié solvable par escuyer Artur du Vieulx Chastel, sieur de K(er)sal, pour la somme de cincq centz quarente troys escuz ; et pour ce vctz xliii [é]
La terre et seigneurie du Juch adjugée à Pierre Androict par la cauption de m(aistr)e Michel Le Sodec et maistre Michel Le Marec, certiffyés solvables par maistre Françoys Laer, pour la somme de neuf vingtz dix escuz ; et pour ce ixxx x [é]
Les terres et seigneuryes appartenantz au sieur du Tyvarlen adjugée à Jehan Coadic par la cauption de maistre Michel Le Sodec et Michel Le Marec et Pierre Androict, pour la somme de mil quatre centz neuf escuz ; po(ur) ce im iiiictz ix [é]
|